ad

मदरसाबाट पहिलो पटक विद्यार्थी एसईई उत्र्तिण, मदरसा उच्च शिक्षा पश्चिम नवलपरासीमै

37


परासी । पश्चिम नवलपरासीमा मदरसा शिक्षा पढ्ने विद्यार्थीहरुले जिल्लामा उच्च शिक्षासम्म पढ्न पाएपछि यहाँका मदरसा शिक्षा अध्ययन गर्ने विद्यार्थीहरु उत्साही भएका छन् ।

 

मदरसा ईस्लाम धर्म सम्बन्धित अध्यापन गराउने एक धार्मिक विद्यालय हो । यस धार्मिक विद्यालयमा मुस्लिम समुदायको छोरा छोरीहरु उर्दु अरबी भाषा, ईस्लाम धर्म र यसका कानुनी प्रावधान तथा संस्कारका विषयमा अध्ययन गर्ने गर्दछन् ।

 



नेपालमै पहिलो पटक कक्षा १० सम्म अनुमति प्राप्त गरेको नवलपरासीको प्रतापपुर गाउँपालिका वडा ६ का मदरसा स्कूल (मदरसा मदिनतुल ओलुम) ले यसबर्ष एसईई बाट ११ जना छात्रा उत्पादन गरेको छ ।

 

मदरसाबाट विद्यार्थीहरु कक्षा १० उत्र्तिण भएपछि समुदायमा उत्साह बढेको छ । मुस्लिम समुदायको धार्मिक विद्यालय मदरसाबाट पनि पहिलो पटक कक्षा १० र ११,१२ अध्ययन गर्ने अवसर मिलेपछि मुस्लिम समुदाय निकै उत्साहित भएका छन् ।

 

राज्यले यस्ता धार्मिक विद्यालयहरुलाई पनि मुलधारमा ल्याई व्यस्थित गर्दै उर्दु अरबी भाषा र धार्मिक ज्ञान संगै मान्छेको जिवनमा आवश्यक शिक्षा, अंग्रेजी, विज्ञान, गणित, सामाजिक र नेपाली जस्ता विषयहरु थपेको छ ।

 

 

धार्मिक र व्यवहारिक शिक्षालाई संगसंगै लैजाने उद्देश्यले राज्यले नेपालका मदरसाहरुलाई पनि क्रमशः कक्षागत अनुमति दिदै अध्यापन गराउदै आएको छ । विगतमा मदरसामा अध्ययनरत विद्यार्थीहरु कक्षा ५ र ६ पछिको उच्च शिक्षा हासिल गर्न कि त छिमेकी मुलुक भारत जाने गर्दथे कि त बाध्य भएर उर्दुअरबी भाषा छोडी सामुदायिक विद्यालयमा अध्ययन पुरा गर्दथे । यस बर्षदेखि पश्चिम नवलपरासीमा सो समस्या राज्यले सामाधान गरिदिएको छ ।

 

अधिराज्यकै पहिलो कक्षा १० सम्म मान्यता प्राप्त उक्त मदरसाबाट एस ई ई पास गरेका ११ जना छात्राहरुलाई सोमबार एक कार्यक्रम बिच शैक्षिक प्रमाण पत्र तथा शैक्षिक सामाग्रीहरु वितरण गरिएको हो ।

 

मदरसा व्यवस्थापन समितिका अध्यक्ष साकिर अंसारीको अध्यक्षतामा भएको शैक्षिक प्रमाण पत्र तथा शैक्षिक सामाग्री वितरण कार्यक्रममा प्रमुख अतिथि पुर्वमन्त्री सांसद हृदेश त्रिपाठीले कक्षा १० पास गरेका ति ११ जना छात्राहरुलाई शैक्षिक प्रमाण पत्र वितरण गर्दै बधाई समेत ज्ञापन गरे ।

 

मदरसाबाट कक्षा ८ पछिको उच्च शिक्षा हासिल गर्न बाध्य भएर भारत जाने बाध्यात्मक अवस्थाको अन्त्य भएको र अब यसै मदरसाबाट पनि उर्दुअरबी भाषा सहित उच्च शिक्षा प्रदान गर्न सक्ने सहज अवस्था पाएको आफुँहरु निकै खुशी भएको मदरासका प्रधानाध्यापक आमिरआजम अंसारीले जानकारी दिए ।

यस मदरसाबाट धार्मिक तथा भाषिक शिक्षा तर्फबाट कुरान, उर्दु, अरबी, दिनियात सहित अंग्रेजी, विज्ञान, गणित र सामाजिक अध्ययन विषयहरुको पठन पाठन गराउदै आइएको प्रधानाध्यापक अंसारीले जानकारी दिए ।

 

निकै लामो परिश्रम र लगनशिता पछि उक्त मदरसाले मुस्लिम छात्र छात्राहरुलाई कक्षा १० र ११, १२ सम्मको अध्यापन गराई उनीहरुको भविष्यलाई उज्जवल बनाउने सपना साकार गर्ने अवसर यस मदरसाले पाएको छ । गत बर्ष कक्षा १० का अनुमति प्राप्त गरि एस ई ई मा सहभागि हुने यो मदरसा नेपालकै पहिलो मदरसा रहेकोले यस जिल्लाका मुस्लिम समुदायहरु निकै उत्साही भएका छन् ।

यसै मदरसाबाट कक्षा १० पछिको शिक्षा पनि पाउने व्यवस्था भएपछि हामी अध्ययनरत छात्राहरुमा पनि उत्साह थपिएको छात्रा रेहाना खातुनले बताए ।

 

कार्यक्रममा अतिथि पुर्व जिल्ला शिक्षा अधिकारी अब्दुल रउफ खान, प्रतापपुर गाउँपालिका वडा ८ का अध्यक्ष कादिर अलि अंसारी, समाजसेवी करम हुसैन अंसारी लगायतले यस मदरसाको प्रशंसा गर्दै यस मदरसाको चौतर्फि विकासका लागि आवश्यक सहयोग गर्ने बताए ।

 

कार्यक्रममा वडा ८ का अध्यक्ष कादिर अलि अंसारीले मदरसाको भौतिक विकासका लागि ५१ हजार १ सय ११ रुपैया आर्थिक सहयोग समेत गरे ।

कार्यक्रममा मदरसामा अध्ययनरत छात्राहरुले आफनो प्रस्तुती समत गरेका थिए ।

मदरसा, उर्दु अरबी भाषा, ईस्लाम धर्म र यसका कानुनी प्रावधान तथा संस्कारका विषयमा अध्ययन गराउने विद्यालय रहेपनि राज्यले यस्ता धार्मिक विद्यालयहरुलाई पनि मुलधारमा ल्याई व्यस्थित गर्दै उर्दुअरबी भाषा र धार्मिक ज्ञान संगै मान्छेको जिवनमा आवश्यक शिक्षा, अंग्रेजी, विज्ञान, गणित, सामाजिक र नेपाली जस्ता विषयहरु थपेको छ ।

धार्मिक र व्यवहारिक शिक्षालाई संगसंगै लैजाने उद्देश्यले राज्यले नेपालका मदरसाहरुलाई पनि क्रमशः कक्षागत अनुमति दिदै अध्यापन गराउदै आएको छ ।



You might also like
Loading...