वैद्य निकट पत्रकारको राष्ट्रिय भेला पुस ४ गते नवलपरासीमा





नेकपा (क्रान्तिकारी माओवादी) निकट क्रान्तिकारी पत्रकार महासंघको विशेष राष्ट्रिय भेला आगामी पुस ४ गते नवलपरासीमा हुने भएको छ ।

राष्ट्रिय सम्मेलनको तयारीको रुपमा आगमी पौष ४ गते पश्चिम नवलपरासीको बर्दघाटमा ‘बिशेष राष्ट्रिय भेला’ गर्न लागिएको क्रान्तिकारी पत्रकार महासंघका लुम्बिनी प्रदेश संयोजक रवि पाण्डेयले जानकारी दिए ।




फागुनमा हुने हुने राष्ट्रिय सम्मेलनलाई ध्यान दिएर राष्ट्रिय भेला आयोजना गरिएको क्रान्तिकारी पत्रकार महासंघका महासचिव रामकुमार श्रेष्ठले जानकारी बताए ।

भेलामा ५५ जिल्लाका १ सय ५० जना प्रतिनिधि तथा पर्यबेक्षक सहभागी हुनेछन् ।

भेलाको उदघाटन क्रान्तिकारी माओवादीका महासचिव मोहन बैद्य गर्ने पनि श्रेष्ठले जानकारी दिए ।

भेलामा ५५ जिल्लाका १ सय ५० जना प्रतिनिधि तथा पर्यबेक्षक सहभागी हुनेछन् ।

भेलाको उदघाटन क्रान्तिकारी माओवादीका महासचिव मोहन बैद्य गर्ने पनि श्रेष्ठले जानकारी दिए ।

यस्तै, क्रान्तिकारी पत्रकार महासंघ लुम्बिनी प्रदेश समितिको शनिवार बिस्तारित बैठक सम्पन्न भएको छ ।

बैठकले नेपालमा विदेशी लगानीका सञ्चारमाध्यममाथि प्रतिबन्ध लगाउन माग गरेको छ ।

बैठकपछि महासंघ प्रदेश संयोजक पाण्डेयले विज्ञप्ति जारी गर्दै मिडियामा बढ्दो बैदेशिक र अपारदर्शी लगानीले नेपालको स्वाधीनता र सार्वभौमिकतामाथि नै खतरा उत्पन्न गर्ने ठहर गर्दै त्यसको विरोधमा सशक्त आवाज उठाउने निर्णय गरेको जनाएका छन् ।

शनिवार आयोजित पत्रकार भेटघाट कार्यक्रममा नेकपा (क्रान्तिकारी माओबादी) पोलिट्ब्युरो सदस्य तथा लुम्बिनी प्रदेश ईन्चार्ज प्रेम सुवेदीले राष्ट्रियता जनतन्त्र र जनजिविकाको पक्षमा पत्रकारहरुको कलम चल्नुपर्ने बताए ।

उनले बैदेशिक हस्तक्षेप बृद्धि भएको बर्तमान अवस्थामा राष्ट्रिय स्वाधीनताको पक्षमा पत्रकारहरुको मिसन हुनुपर्नेमा जोड दिए ।

महासंघका प्रदेश संयोजक रवि पाण्डेको अध्यक्षता, संगठनका महासचिव रामकुमार श्रेष्ठको प्रमुख आतिथ्यता, क्रान्तिकारी माओवादीका पोलिटब्यु्रो सदस्य प्रेम सुबेदीको बिशेष आतिथ्यतामा भएको कार्यक्रमको सञ्चालन महासंघका केन्द्रीय सदस्य दामोदर खनालले गरेका थिए ।

त्यस्तै, प्रदेश सचिवालयको विस्तारित बैठकले प्रदेशका १२ वटै जिल्लामा भेला तथा प्रतिनिधि पर्यबेक्षक छनौटलाई तीब्रता दिनेलगायतका निर्णय समेत गरेको खनालले जानकारी  दिए ।




सम्बन्धित
Loading...