ad

कांग्रेस लुम्बिनी : सस्थापन ईतरका प्यानल विजयी, महामन्त्रीमा विक्रम खनाल विजयी

66


भैरहवा । नेपाली कांग्रेसको लुम्बिनी प्रदेश समितिमा एक उपसभापति बाहेक सस्थापन ईतर समूहका अमरसिंह पुनको प्यानल विजयी भएको छ ।

 

मतपरिणामअनुसार पुनले ८५२ मत प्राप्त गरेर सभापतिमा विजयी भएका हुन ।

 

 




पुन प्प्यानलका उपसभापति उम्मेदवार अष्टभुजा पाठक झिनो मतले पराजित भएका छन् ।

 

पदाधिकारिमा उपसभापतिका उम्मेदवार पाठक बाहेकमा अमरसिंह पुनको प्यानल विजयी भएको हाे ।

 

त्यस्तै, उनका प्रतिद्वन्दी भरतकुमार शाहले ७६७ मत प्राप्त गरे ।

 

पुनले ८५ मतले शाहलाई पराजित गर्न सफल भए । शाह संघिय संसदको सार्वजनिक लेखा समिति सभापति हुन्।

 

उनलाई गृहमन्त्री बालकृष्ण खाँण, पुर्व गृहराज्यमन्त्री देवेन्द्र राज कणेलले सर्मथन रहेकाे थियाे।

 

पुनलाई केन्द्रीय सदस्य चन्द्र भण्डारी, दिपक गिरी लगाएतको समर्थन थियो ।

 

उपसभापतिमा पुन समूहका भुवनप्रसाद श्रेष्ठ र शाह समूहका राजु खनाल विजयी भएका छन् ।

 

श्रेष्ठले ८४७ मत प्राप्त गरेका छन् भने खनालले ७९२ मत प्राप्त गरेका छन् । पाठकले ७७२ मत पाए। उनले २० मतले पराजित हुनु भएको हो ।

 

महामन्त्रीमा पनि पुन समूहकै बिक्रम खनाल र सुरेन्द्रराज आर्चाय निर्वाचित भए । विक्रम खनाल पश्चिम नवलपरासीका हुन् ।

खनालले ८४४ र आर्चायले ८३९ मत प्राप्त गर्दै विजयी भएको निर्वाचन समितिका सदस्य अब्दुल रहमानले जानकारी दिए ।

त्यसैगरी सहमहामन्त्रीमा विष्णु खनाल मुस्कान र खगराज पाण्डेय विजयी भए ।

 

खनालले सर्वाधिक ८६९ मत प्राप्त गरे भने पाण्डेयले ७७६ मत प्राप्त गरे।

महिला सहमहामन्त्रीमा निमा गिरी विजयी भए । उनले ८३० मत प्राप्त गरे ।

 

१४औं महाधिवेशनअन्तर्गत भएको प्रदेश अधिवेशनमा कूल एक हजार ६३१ मत खसेको थियो।



You might also like
Loading...