नारायणी नदीमा हामफालेकी महिलाको मृत्यु
नारायणीको पुलबाट नदीमा हामफालेकी महिलाको मृत्यु भएको छ ।
दिउँसो करिब १२ः५५ बजेको समयमा पुलमाथिबाट नदीमा हामफालेकी अन्दाजी १८ वर्षीय महिलालाई प्रहरीले उद्दार गरी उपचारका लागि भरतपुर अस्पताल ल्याएको थियो ।
उपचारका क्रममा १ः३० बजे निज महिलाको मृत्यु भएको जिल्ला प्रहरी कार्यालय चितवनका प्रवक्ता नरहरी अधिकारीले जानकारी दिए । महिलाको सनाखत अझै हुन सकेको छैन ।
शवलाई पोष्टमार्टमको लागि भरतपुर अस्पतालको शव गृहमा राखिएको छ ।
मृतक महिलालाई चिन्ने आफन्त वा चिनजानको व्यक्तिले सम्पर्क राख्न प्रहरीले आग्रह गरेको छ ।