नवलपरासीमा आफ्नै काकाको कुटपिट गरी हत्या
परासी। पश्चिम नवलपरासीमा आफ्नै काकालाई कुटपिट गरी हत्या गर्नेलाई प्रहरीले नियन्त्रणमा लिएको छ ।
आफ्नै काका नाता पर्ने ५० वर्षीय तिलकधरी चमार (हरिजन) को कुटपिट गरी हत्या गरेको अभियोगमा सुस्ता गाउँपालिका–३ मर्चहवा बस्ने २१ वर्षीय सन्तराम चमारलाई आइतबार बिहान प्रहरीले पक्राउ गरेको छ ।
सन्तरामले गत चैत २८ गते वादविवाद भई कुटपिट गर्दा घाइते भएका तिलकधरीलाई स्थानीय मेडिकलमा उपचार गराई घरमै बसिरहेको अवस्थामा उनको आइतबार बिहान मृत्यु भएको भन्ने खबर प्राप्त हुनासाथ प्रहरी चौकी कुडियाबाट खटिएको प्रहरीले सन्तरामलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।